Les mots surlignés font l'objet d'une note
1Monsegneur, revenant d’acompagnier monsegneur le cardinal Ursin,
2legat de sa saincteté, en Avignon suyvant voz mandemens, j’ay
3receu les lettres et commission qu’il vous a pleu m’escrire pour aller
4recepvoir le segnieur Alphonce et ses troupes, et icelles conduyre
5par votre gouvernement en lieus qu’il vous plairra me commander.
6J’espère, aidant Dieu, me rendre lundy la part de monsegnieur
7le comte de Tendez à Pertuys, ou là part où sera mondit segneur
8Alphonce, pour luy fere entendre votre volonté et lacheminer à
9la moindre surcharge du peuple que se pourra, de quoy, monsegnieur,
10je vous tiendrey adverty de lieu en lieu. Je n’ay fally rendre
11voz lettres à Madame de Sainte-Clère en Avignon, laquelle
12est en fort bonne sancté et ne m’a voulu honorer de ses lettres.
13Monsegnieur le legat Ursin me chargea d’une sienne lettre avec
14des remerciemens et offres infinis pour les faveurs qu’il comfesse
15avoir heues suyvant voz mandemens par cette province, laquelle
16j’ay remis ez mains du cappitaine La Fouliouze, ensemble ung pacquet
17de monsieur le comandeur de La Roche, pour vous estre renduz.
18Monsegnieur, je ne vous puys escrire aucune nouvelle, si n’est que
19ceux de Nymes, qu’on estime au nombre de cincq mille, font contenance
20de se opiniastrer, fortifians leur vile de toute monitions et rempars,
21et au surplus se remectent à la venue de monsegnieur Damville pour
22rendre toute hobeissance aus commandemens de sa magesté, ne
23recognoissans en rien monsieur de Joyeuse, comme il a escreit à monsegnieur
24le cardinal d’Armagniac. Ceux d’Orenges hont respondu au
25courrier envoyé expres par sadite magesté celle part quilz hobeiront
26[v°] aus commandemens de leur souverein le princes d’Orenges, resolus de
27mourir trestous, plustost que laisser le lieu sans son commandement.
28La nouvelle vint hyer au soir à mondit segnieur d’Armagniac comme
29monsieur de La Crosette a executé tous ceux de la religion estant
30dedens Castrez. Si je apprens quelque chose de nouveau,
31je ne faudrey, monsegnieur, vous en tenir adverty. Ce pendant,
32je vous supplie me comander voz bons plaisirs ausquelz j’obeirey
33toute ma vie tres humblement priant Dieu,
34Monsegnieur, vous donner en toute prosperité et sancté
35acomplissement de voz bons desirs. De Piarre Latte,
36ce IIIIe octobre 1572.
37Votre tres humble et obeissant
38serviteur à jamais
39L Debuffevant